Centro Cultural
Montehermoso
Kulturunea

Deialdiak


PROIEKTU ARTISTIKOAK. 2020ko deialdia

Gasteizko Udaleko Hezkuntza eta Kultura Sailak hainbat jarduera-ildo garatzen ditu sorkuntza artistiko garaikidea sustatu, bultzatu eta ezagutzera emateko asmoz.

Testuinguru horretan egiten du Montehermoso kulturuneak deialdi hau, HIRU proiektu artistiko hautatu, eta ikusentzunezko proiektu BAT, gerora, jendaurrean erakusteko asmoz. Banakako lanak nahiz talde-lanak aurkezteko aukera eman nahi zaie artista lokalei, arte eta kultura garaikidea sustatzen duten ekintzen bitartez, eta horiek herritarrengana hurbilduz.

2019ko irailetik 2020ko ekainara bitartean Montehermoso kulturunean aurkeztuko diren sorkuntza artistikoaren alorreko gehienez hiru proiektu hautatzea du xede deialdi honek. Proiektuek argitaratu gabeak izan beharko dute, eta Montehermoso kulturunean erakutsi beharko dira, aurrerago adierazten den epean.

Hautatzen den proiektuetako bakoitzerako gehienez 6000 euro emango dira. Proiektua ekoitzi, garraiatu eta gauzatzetik eta Montehermoso kulturunean erakusgai jarri eta zabalkundea ematetik sortzen diren gastuak oro hartuko ditu bere baitan zuzkidura horrek.

Erantsitako eskabidea bete behar da.Izapideak online egin daitezke egoitza elektronikoaren bidez edo aurrez aurre Herritarren Arretarako bulegoetan.


Ohar garrantzitsua

Martxoaren 14an alarma egoera ezarri zen Espainiako lurralde osoan, Covid 19 koronabirusaren pandemiari aurre egiteko. Une horretan, COVID-19k eragindako osasun-krisiaren egoera kudeatzeko alarma-egoera deklaratzen duen martxoaren 14ko 463/2020 Errege Dekretuaren bidez, baldintzak eten ziren eta epeak eten ziren administrazio-prozedura guztietan.

Maiatzaren 22ko 537/2020 Errege Dekretuak (maiatzaren 23ko Estatuko Aldizkari Ofizialean argitaratua), zeinaren bitartez bosgarren aldiz luzatu baitzen alarma-egoera –2020ko ekainaren 7aren 00:00ak arte–, etenda zeuden epe administratiboak ekainaren 1ean berrabiaraztea ezarri zuen.Errege Dekretu horren xedapen indargabetzaileak indargabetu egiten ditu martxoaren 14ko 463/2020 Errege Dekretuaren bigarren, hirugarren etalaugarren xedapen gehigarriak.
Horrenbestez Diputatuen Kongresuko akordioak epe administratiboak berrabiaraztea ezarri du, 2020ko ekainaren 1eko ondorioekin. Hasieran aurreikusitakoan ez bezala, alarma-egoera amaitu baino lehen ekingo zaio berriro jarduera administratiboari.

Horren guztiaren aurrean, jakinarazi nahi dizuegu 2020ko ekainaren 1ean berrabiaraziko dela eta 2020ko ekainaren 18an amaituko, (egun biak barne) “Proiektu artistikoak ekoiztu eta ezagutzera emateko 2020ko deialdian” proiektuak aurkezteko epea.
© 2016 ideolab. Todos los derechos reservados | Pribatutasun-politika | Cookies | Legezko Oharra
Cookieak darabiltzagu webgunearen erabileraren gaineko estatistiketarako. Nabigatzen jarraitzen baduzu, onartu egiten dituzula ulertuko dugu.
EZ DITUT ONARTZEN - ONARTZEN DITUT COOKIEAK