Centro Cultural
Montehermoso
Kulturunea

Exodoa
Bai Garapenean Laguntzeko Zerbitzuan, bai Montehermoso kulturunean, uste izan dugu egungo kulturgintza, bere adierazpide ugariekin —sorkuntza plastikoa, ikus-entzunezkoak, antzezte-arteak...—, berebiziko tresna dela elkarrizketa eta gogoeta espazioak sustatzeko, eta agerian jartzeko zein egoeratan dauden Giza Eskubideak gaur egungo mundu honetan.
Testuinguru horretan,  Euskal Fondoak, Arabako Foru Aldundiak eta Vitoria-Gasteizko Garapenerako Lankidetzak Exodoa, hondakinak aterpe dokumentala eta argazki bilduma aurkezten dute.

Iragan urrian, Turkiak bere azken erasoaldia burutu zuen Siriako kurduen kontra. Bake-iturria izeneko operazioak airetik bidali zituen dronak eta jaurtigailuak, eta lurretik jihadista andana. Denboran zehar garatzen ari den garbiketa etniko baten beste kapitulu bat; azken biktimak, ehunka hildako eta 200.000 iheslari. Prentsa medioen isiltasun gorgarria sahiestearren, Euskal Fondoak egitasmo hau gauzatu du.

Argazki bilduma: Siriako kurduek egun pairatzen duten zigorra islatzen duen 40 argazkiren bilduma: gerra frontea, mamu herriak, errefuxiatu eremuak, iheslariez jositako eskolak, hiletak... Elementu bisualok ezinbesteko erreminta dira errealitate gordin hau ulertu ahal izateko.

Dokumentala: Fatma, 22 urteko unibertsitarioa, etxetik kanpo bizi da Turkiak 2018an bere herria suntsitu eta okupatu zuenetik. Bere bizitza berrabiarazten ari zela, Ankarak beste eraso bat bideratu du Fatma orain bizi den eskualdean. Neska kurdu honek artean aurkitu du ihesbide bat.


Biografiak:

Andoni Lubaki 2010an hasi zen Ekialde Hurbilean nahiz Afrika Iparrean gatazka eta giza eskubideak jorratzen argazkilari gisa. Hamarkada batez, munduko prentsa medio eta agentzia handienekin kolaboratu du, tartean New York Times, AP, AFP eta Vice. Alepon (Siria) egindako lanagatik Chris Hondros et Picture of the Year nazioarteko sariak jaso zituen 2013an, besteak beste.
 
Karlos Zurutuza Jot Down aldizkariko Nazioarteko burua da baina Euskal Herriko zein atzerriko zenbait hedabiderentzat ere egiten du lan. 2009an Nawab Bugti Reporting Award saria jaso zuen Londresen eta 2012an Argia Saria eta Rikardo Arregi Saria. 2016an Photographic Social Vision Ikerketa Kazetaritzako Beka eskuratu zuen. 2019an finalista izan zen nazioarteko Prix Plumes Libres sarian. Hainbat kronika libururuen egilea ere bada Karlos.

Antolatzaileak: Euskal Fondoa, Arabako Foru Aldundia eta Vitoria-Gasteizko Udala
Laguntzailea: Montehermoso Kulturunea

Martxoaren 10etik 29ra Montehermoso Kulturuneko lehen solairuan


© 2016 ideolab. Todos los derechos reservados | Pribatutasun-politika | Cookies | Legezko Oharra
Cookieak darabiltzagu webgunearen erabileraren gaineko estatistiketarako. Nabigatzen jarraitzen baduzu, onartu egiten dituzula ulertuko dugu.
EZ DITUT ONARTZEN - ONARTZEN DITUT COOKIEAK